جوزي دخل عليا بعروسته بقلم هويدا زغلول

عليا اعمل ليه عشا كويس بس اعمل ايه انتي عارفه ان الحال علي القد اووي.. ومش عايزه اقولك ان بيتي مش فيه غير الفول والجبنه.. والله لو كان معايا ما كنت اتاخرت
نجاد
يا حبيبتي انا عندي كام حتت فراخ في الفريزر وكمان شوية باميه وهجيبلك كيلو رز واعملي عشا كويس كده وكتري بنفسك قدامه.
سميره
ربنا يخليكي يا نجاد انتي والله العظيم ونعم الجاره جاره اي انتي اخت والله
نجاد 
طبعا احنا اخوات يا سميره استني اجيب الحاجه واجي..
_ودخلت نجاد جابت ليه الاكل واديته ليها ووقفت تبص ليها بغيره وحقد وقالت. لنفسها..
نجاد
بقي انا تبقي بنتي من غير اب ومش لاقيه اجيب ليها حاجه وانتي يطلعلك واحد طول بعرض وبيدلع فيكي وفي ابنك وكمان ابنك هيكبر ويبقي راجل اد الدنيا بس ما ابقاش انا ان ما طلعتك من هنا بجرسه..

_وجه شريف اللي معاه ابنه هو وعماد اللي كان مبسوط بالحاجات اللي جابها ليه شريف وقالت سميره..
سميره 
والله يا استاذ شريف ما هينفع تمشي غير لما تقعد تتعشي مع عماد..
شريف 
اولا بطلي كلمه استاذ شريف دي 
و مع اني متاخر بس مش هكسفك انتي وعماد يا اختي..
_دخل شريف بس ساب الباب مفتوح واكل مع عماد وابنه وهي كانت في المطبخ ما اكلتش معاهم وهو ما اهتمش ولما خلصو اكل قال..
شريف 
ربنا يجعله عامر ديما يا ام عماد..
طلعت سميره وقالت ليه 
ربنا يخليك يا استاذ شريف ويباركلك في ابنك انا مش عارفه والله اشكرك ازاي علي وقفتك معانا دي..
شريف 
شكر ايه بس يا ام عماد ده المرحوم كان اغلي من اخويا وحضرتك اختي وعماد زي ابني ارجوكي ما تعمليش فرق بينا..وعايزك تيجي تتعرفي علي المدام حقك عليا والله انها معرفتش تيجي 
بس احمد ابني تعبان ومش عرفت تسيبه 
سميره 
خالص والله ربنا يعينها وربنا يجعله عامر بس سامحني الفتره دي مش هينفع اخرج من البيت 
ثواني . هعمل الشاي..
شريف 
لا لا ما تتعبيش نفسك انا اصلا متأخر ومش فاضي وقت تاني.. مع السلامه ولو احتاجتي اي حاجه كلميني..
سميره 
خيرك سابق يا استاذ شريف مع الف مليون سلامه..
_مشي شريف وسميره قفلت الباب عليها وعلي ابنها وكانت نجاد واقفه بتبص عليهم من العين بتاعت الباب والحقد مالي قلبها..
نجاد 
اتسهوكي يا اختي اتسهوكي ما هو داخل وجايب ومعبي ليكي.. بس علي مين والله لوريكي يا اللي عامله فيها غلباانه انتي.. وروح شريف 
الفيلا وكانت مراته قاعده
ايمان 
جرا اي عامله اتصل بيك تلفونك 
كان مقفول ليه
شريف 
انتي عارفه ان شقه محمد في اول دور وبعدين 
مافيش شبكه
ايمان 
تاني محمد هو انت عايز تعمل فيا اي مش 
خلاص قريبك ده راح كل يوم عندهم ليه
شريف 
ظروفهم وحشه يا ايمان ولو مش انا اللي اقف 
جنبهم مين اللي هيقف يعني
ايمان 
ابعت السواق ب فلوس انما انت مش هتروح 
هناك تاني انت سامع ولا لا
شريف 
اي الكلام ده انتي متعرفيش مراته 
عزيزه النفس ازاي عايزني اقولها ببعتلك المساعده اهي
ايمان 
كلامي خلص انا مش مرتاحه انك بتروح 
عند الناس دي وشوف بقي هتعمل اي
شريف 
هروح وهسال عليها يا ايمان بعد اذنك 
انا طالع انام
_وعدت الايام وكان كل يوم والتاني شريف جاي يطمن علي سميره وابنها وبيجيب ابنه معاه ولما بيدخل الباب مش بيتقفل بس كانت نجاد ضميرها مش مريحها وخلها اتوهمت بحاجات مش كويس رغم انها عارفه ان سميره كويسه بس الحقد خلاها تعمل اي حاجه..
_وفي يوم كانت سميره طالعه من بيتها رايحه تجيب حاجات ونجاد واقفه عند السلم فا قالت سميره..
سميره. 
صباح الخير يا نجاد واقفه كده ليه علي السلم في حاجه معاكي ولا ايه..
نجاد بعصبيه 
وانتي مالك واقفه كده ولا مش واقفه كده هو انا كنت واقفه علي راسك..
سميره 
جرا ايه يا نجاد انا عملت ليكي ايه علي الصبح عشان تتعاملي معايا كده..
نجااد بصوت عالي 
لااا ده انتي عملتي وعملتي كمان ومش انا بس ده انتي عملتي للعماره كلها..
سميره بقلق 
انا عملت ايه بس حرام عليكي ده انا في حالي وما ليش دعوه بحد..
_اتلمت الناس اللي ساكنه في العماره كلها عليهم وطلع عماد مسك في مامته پخوف وقال..
عماد
في ايه يا ماما مالها طنط نجاد..
نجاد ردت عليه وقالت
اسال امك يا حبيبي اللي مش لاقيه حد يلمها ولا يقف ليها..
سميره بدموع
حرام عليكي يا شيخه ده عيل صغير ايه اللي بتقوليه ليه